نامه‌كه‌ی‌ ئۆجه‌لان گه‌یشته‌ ده‌ستی‌ به‌ده‌په‌

نامه‌كه‌ی‌ عه‌بدوڵا ئۆجه‌لان كه‌ تێدا هه‌ڵگری‌ په‌یامێكه‌ بۆ پڕۆسه‌ی‌

ئاشتی‌ له‌ باكوری‌ كوردستان و توركیا، ئه‌مڕۆ چوارشه‌ممه‌ گه‌یه‌نرایه‌

ده‌ستی‌ به‌ده‌په‌.

پاش نوسینی‌ نامه‌كه‌ له‌لایه‌ن رێبه‌ری‌ پارتی‌ كرێكارانی‌ كوردستانه‌وه‌،

ئاڕاسته‌ی‌ وه‌زاره‌تی‌ دادی‌ حكومه‌تی‌ توركیا كرا، سه‌ر ئه‌نجام ئه‌مڕۆ

گه‌یه‌نرایه‌ ده‌ستی‌ پارتی‌ ئاشتی‌ و دیموكراتی‌(به‌ده‌په‌).

سه‌ڵاحه‌دین ده‌میرتاش هاوسه‌رۆكی‌ پارتی‌ ئاشتی‌ و دیموكراتی‌،

له‌ باره‌ی‌ نامه‌كه‌وه‌، ئاماژه‌ی‌ به‌وه‌كرد:" لەبەرئەوەی نامەی ئۆجەلان 

ھەڵسەنگاندنێكی گشتی لەخۆوە دەگرێ، ھەموو كەس بە تایبەت ئاشتیخوازان 

جارێكی دیكە چاویان لە 21ی ئازار لە نەورۆزی دیاربەكر دەبێ".

وتیشی‌: "لەو نامەدا  ئۆجه‌لان لایەنی ئەرێنی و كەموكوڕیەكانی پرۆسەكە

دەخاتە بەرچاو". 

هاوسه‌رۆكی‌ پارتی‌ ئاشتی‌ و دیموكراتی‌، ھەروەھا ئاماژه‌ی‌ به‌وه‌كرد،

لە نامەكەی‌ رێبه‌ری‌ په‌كه‌كه‌دا، چۆنیەتی بەردەوامی پرۆسەكە دوای

نەورۆز و به‌ڕێوه‌چوونی ھەڵبژاردن دەبینین.