سلێمانی؛ وه‌زیری شاره‌وانی پرۆژه‌ی شه‌قامی 100مه‌تریی راده‌گرێت‌

سلێمانی؛ وه‌زیری شاره‌وانی پرۆژه‌ی شه‌قامی 100مه‌تریی راده‌گرێت‌

سه‌رۆكی شاره‌وانی سلێمانی، ئاشكرای ده‌كات پرۆژه‌ی شه‌قامی 100مه‌ترییه‌كه‌ی
شاری سلێمانی له‌لایه‌ن وه‌زیری شاره‌وانییه‌وه‌ راگیراوه‌، ده‌شڵێت: ده‌ستێك هه‌یه‌
نایه‌وێت ئه‌و پرۆژه‌یه‌ سه‌ربگرێت.

یوسف یاسین، سه‌رۆكی شاره‌وانی سلێمانی، به‌رۆژنامه‌ی هاوڵاتی راگه‌یاندووه‌
كه‌ راگرتنی پرۆژه‌ی شه‌قامی 100مه‌ترییه‌كه‌ی شاری سلێمانی په‌یوه‌ندی
به‌3هۆكاره‌وه‌ هه‌یه‌، ئه‌وانیش یه‌كه‌م هۆكاری سیاسی و دوه‌م حكومه‌تی هه‌رێم
كاربه‌ڕێكه‌ره‌ و سێیه‌میش ئه‌وه‌یه‌ ده‌ستێك هه‌یه‌ نایه‌وێت ئه‌و پرۆژه‌ ستراتیجیه‌ 
له‌سلێمانی سه‌ربگرێت.

ئاماژه‌ی بۆ ئه‌وه‌ش كرد له‌بودجه‌ی ساڵی رابردوو پاره‌ی پرۆژه‌كه‌

ته‌رخانكراوه‌ و هه‌موو ئاماده‌كارییه‌كانی ته‌واو بوون ته‌نیا ره‌زامه‌ندی وه‌زیری

شاره‌وانی ماوه‌ به‌ڵام واژۆی ناكات.

لای خۆشیه‌وه‌ دڵشاد شه‌هاب، وه‌زیری شاره‌وانی و گه‌شتوگوزاری هه‌رێم

ره‌تیكردوه‌ته‌وه‌ راگرتنی پرۆژه‌كه‌ په‌یوه‌ندی به‌هۆكاری سیاسیه‌وه‌بێت.

هێمای بۆ ئه‌وه‌كردوه‌ كه‌ ئه‌و بڕه‌ پاره‌یه‌ی 2013 بۆ پرۆژه‌كه‌ ته‌رخانكراوه‌ كه‌متره‌ له‌ده‌رخسته‌كه‌ی ئێستا و پێویستی به‌ته‌رخانكردنی بودجه‌ی تره‌ كه‌ زیادكردنی

 له‌ده‌سه‌ڵاتی ئه‌ودانیه‌ و ده‌بێت ئه‌نجومه‌نی وه‌زیران له‌پرۆژه‌ بودجه‌ی 2014

 ره‌زامه‌ندی له‌سه‌ر بدات.

پرۆژه‌ی شه‌قامی 100مه‌تری، درێژییه‌كه‌ی 146 كیلۆمه‌تره‌ و ماوه‌ی 3مانگه‌

به‌ردی بناغه‌ی قۆناغی یه‌كه‌می دانراوه‌ كه‌ بڕی 496ملیار دیناری بۆ ته‌رخانكراوه‌،

بڕیاره‌ له‌ قۆناغی یه‌كه‌مدا 31 كیلۆمه‌تری ته‌واو بكرێت.

سه‌رچاوه‌ ماڵپه‌ریKNNC